خطے میں امریکہ کے سب سے بڑے فوجی اڈے پر لگا ایرانی میزائل؛ پینٹاگون کا بڑا اعتراف + تصاویر
امریکی وزارت جنگ پینٹاگون نے مشرق وسطی میں اپنے سب سے بڑے، العدید فوجی اڈے پر ایرانی میزائل لگنے کا اعتراف کرلیا
سحرنیوز/ایران: امریکی وزارت جنگ پینٹاگون نے اعلان کیا ہے کہ گزشتہ مہینے قطر میں واقع امریکا کے العدید ایئربیس پر ایران کا ایک بیلسٹک میزائل لگا ہے۔
** ویڈیو میں امریکی فوجی اڈے کی سیٹلائٹ تصاویر ملاحظہ فرمائیں۔**
یاد رہے کہ امریکا کا العدید ایئربیس جو قطر میں واقع ہے، مشرق وسطی میں امریکا کا سب سے بڑا فوجی اڈہ ہے۔ امریکی وزارت جنگ پینٹاگون کے ترجمان شین پارنل نے جمعے کو بین الاقوامی ابلاغیاتی ذرائع کے لئے جاری ہونے والے ایک بیان میں کہا ہے کہ 23 جون کو ایران کا ایک بیلسٹک میزائل العدید ایئر بیس پر لگا ہے۔ انہوں نے اسی کے ساتھ یہ دعوی بھی کیا کہ ایران کے فائر کردہ بقیہ میزائلوں کو امریکا اور قطر کے ایئر ڈیفنس نے ہدف تک نہیں پہنچنے دیا۔
