SAHAR

اسلامی جمہوریہ ایران کی اعلی قومی سلامتی کونسل کے سیکریٹری علی لاریجانی اپنے علاقائی دورے کے دوسرے مرحلے میں بیروت پہنچ گئے۔

سحرنیوز/ایران: اسلامی جمہوریہ ایران کی اعلی قومی سلامتی کونسل کے سیکریٹری علی لاریجانی نے بیروت پہنچنے کے بعد کہا کہ لبنان کے عوام کی تکلیف کو ہم اپنی تکلیف سمجھتے ہیں۔ انہوں نے کہا کہ ہم ہر حال میں لبنانی عوام کے ساتھ رہیں گے۔ علی لاریجانی نے کہا کہ ایران اور لبنان دونوں ملکوں کے روابط صدیوں پرانے ہیں، ان کا تمدن مشترک ہے اور ان کے روابط ہمیشہ قریبی رہے ہیں۔ ایران کی اعلی قومی سلامتی کونسل کے سیکریٹری نے کہا کہ دونوں ملکوں کی تہذیب و ثقافت ایک ہے  یہی وجہ ہے کہ دونوں ملکوں کے عوام میں ہمدلی اور یک جہتی پائی جاتی ہے۔