ڈاکٹر علی لاریجانی: ہم صیہونیوں کی جارحیت کا جواب دینے کے لئے تیار
ایران کی قومی سلامتی کی اعلی کونسل کے سیکریٹری نے تاکید کے ساتھ کہا ہے کہ ایران کی مسلح افواج صیہونی جارحیت کا منھ توڑ جواب دینے کے لئے مکمل طور پر آمادہ ہیں۔
سحرنیوز/ایران: ایرانی قومی سلامتی کونسل کے سیکریٹری ڈاکٹر علی لاریجانی نے کہا ہے کہ امریکہ جنگ اور مذاکرات کے بیچ تذبذب کا شکار ہے، جبکہ اسے اس بات کو جان لینا چاہئے کہ ایران کبھی سر نہیں جھکائے گا اور نہی کسی بھی طرح سے مرعوب ہو گا۔
ایران کی اعلی قومی سلامتی کونسل کے سیکریٹری نے کہا ہے کہ اسرائیل خطے میں عدم استحکام کا اصلی عامل ہے۔
اسلامی جمہوری ایران ہمیشہ صیہونی جارحیت کا بھرپور جواب دینے کے لیے تیار ہے۔
ڈاکٹر علی لاریجانی نے امریکہ کو تنقید کا نشانہ بناتے ہوئے کہا کہ امریکہ کو اپنا مؤقف واضح کرنا ہوگا۔ اگر وہ بیک وقت مذاکرات اور جنگ کی بات کرتا ہے تو یہ اس بات کو ظاہر کرتا ہے کہ وہ ابھی تک یہ نہیں سمجھ سکا کہ جنگ کا انجام صرف نقصان ہے۔انہوں نے مزید کہا کہ اگر امریکہ یہ سمجھ لے کہ جنگ اس کے لیے فائدہ مند نہیں بلکہ نقصان دہ ہے تو وہ مذاکرات کی راہ اپنائے گا۔
ایران کبھی بھی دشمن کے سامنے سر نہیں جھکائے ہوگا۔انھوں نے مزید کہا کہ جب تک امریکہ کی سوچ یہ ہے کہ طاقت کے ذریعے امن قائم کیا جاسکتا ہے، وہ کامیاب نہیں ہوگا۔ڈاکٹر علی لاریجانی نے کہا کہ علاقائی اور عالمی منظرنامہ بدل رہا ہے، دنیا میں کئی طاقتیں وجود میں آئی ہیں۔ کیا امریکہ چین کا راستہ روک سکا ہے؟ کیا وہ پیوتن پر اپنی مرضی مسلط کرسکا ہے؟
سعودی عرب کے ساتھ تعلقات پر بات کرتے ہوئے انہوں نے کہا کہ ابتدائی مرحلہ مثبت رہا ہے اور تعلقات کو مزید فروغ دیا جا سکتا ہے۔ڈاکٹر علی لاریجانی نے انکشاف کیا کہ جنگ کے پہلے دن انہیں ٹیلیفون کے ذریعے قتل کی دھمکیاں دی گئیں تاہم انہوں نے اس کا بھرپور جواب دیا۔
