ایران کی 3 یونیورسٹیاں دنیا کے 500 بہترین اعلی تعلیمی مراکز کی فہرست میں شامل
Aug ۱۶, ۲۰۲۵ ۲۰:۰۷ Asia/Tehran
انسٹی ٹیوٹ فار سائنس سائٹیشن کے سربراہ محمد مہدی علویان نے بتایا ہے کہ شنگھائی فہرست میں جو کہ دنیا کی انتہائی معتبر فہرستوں شامل ہے، ایران کی 3 یونیورسٹیوں کو دنیا کی 500 بہترین یونیورسٹیوں میں شامل کیا گیا ہے۔
سحرنیوز/ایران:اس فہرست کے مطابق تہران یونیورسٹی آف میڈیکل سائنس TUMS، تربیت مدرّس یونیورسٹی اور تہران یونیورسٹی کا نام اس فہرست میں درج کیا گیا ہے۔
شنگھائی سائنس سائٹیشن کے مطابق، ایران کی 6 یونیورسٹیوں کو بھی دنیا کی 1000 معتبرترین یونیورسٹیوں کی فہرست میں شامل کیا گیا ہے جس میں شہید بہشتی میڈیکل سائنس یونیورسٹی، شریف پولی ٹیکنیکل اور ایران میڈیکل سائنس یونیورسٹی شامل ہے۔
شنگھائی فہرست میں شامل اسلامی ممالک میں ایران کے بعد مصر، ملائیشیا، امارات، پاکستان، قطر، لبنان اور مراکش کا نام دیکھا جا سکتا ہے۔
