موجودہ حالات میں امریکہ سے مذاکرات کا کوئی امکان نہیں: عراقچی
Nov ۰۹, ۲۰۲۵ ۱۴:۱۵ Asia/Tehran
ایرانی وزیر خارجہ نے کہا کہ امریکہ کے منفی رویے کے باعث موجودہ حالات میں بات چیت کا کوئی امکان نہیں۔
سحرنیوز/ایران: ایرانی وزیر خارجہ سید عباس عرقچی نے کہا ہے کہ موجودہ حالات میں امریکہ کے ساتھ مذاکرات کا کوئی امکان نہیں ہے کیونکہ واشنگٹن کی جانب سے کوئی تعمیری یا مثبت رویہ سامنے نہیں آیا۔
تفصیلات کے مطابق، میڈیا ایک انٹرویو میں انہوں نے کہا کہ اس مرحلے پر ایران امریکہ سے بات چیت نہیں کرسکتے کیونکہ امریکی حکام کی طرف سے برابری یا باہمی مفاد کی بنیاد پر کوئی سنجیدہ پیش رفت نہیں ہوئی۔
عراقچی نے واضح کیا کہ ایران ہمیشہ مذاکرات کے لیے تیار ہے، لیکن صرف اس وقت جب بات چیت مساوی بنیادوں پر ہو اور فریقین کے مفاد میں ہو۔
انہوں نے کہا کہ جب بھی امریکہ مساوی بنیادوں پر اور مشترکہ مفادات کے حصول کے لیے مذاکرات پر آمادہ ہوگا، تب ایران اس پر غور کرے گا۔
