امریکا کی غیر قانونی کارروائیاں عالمی امن کو نقصان پہنچا رہی ہیں: صدر ڈاکٹر مسعود پزشکیان
صدر ڈاکٹر مسعود پزشکیان نے کریبین اور وینزوئلا کے ساحلی علاقوں میں بے بنیاد دعووں سے امریکا کے غیر قانونی اقدامات کو بین الاقوامی قوانین کی پامالی اور عالمی و امن وسلامتی کے لئے خطرناک بدعت قرار دیا ہے
سحرنیوز/ایران: صدر ڈاکٹر مسعود پزشکیان نے وینزوئلا کے صدر نکولس مادورو کے ساتھ ٹیلیفونی گفتگو میں کریبین کی تازہ ترین صورتحال کا جائزہ لیا
انہوں نے ایران اور وینزوئلا کی دوستی کو پائیدارقرار دیا اور موجودہ حساس حالات میں کاراکاس کی بھر پور حمایت کا اعلان کیا۔
صدر ایران نے کہا کہ ہم کریبین کے حالات اور وینزوئلا کی حکومت اور عوام کے خلاف امریکا کے اشتعال انگیز اقدامات پر گہری نظر رکھے ہوئے ہیں۔
ہمیں فالو کریں:
Followus: Facebook, X, instagram, tiktok whatsapp channel
انہوں نے امریکا کے غیر قانونی اقدامات کی مذمت کرتے ہوئے کہا کہ کریبین اوروینزوئلا کے ساحلی علاقوں پر امریکی جنگی بحری بیڑے بھیجنے کے اقدام نے عالمی امن و سلامتی کو خطرے میں ڈال دیا ہے۔
صدر ڈاکٹر مسعود پزشکیان نے کہا کہ ہمیں یقین ہے کہ وینزوئلا کے عوام اپنے اتحادویک جہتی سے موجودہ مشکلات پر قابو پالیں گے اور دشمنوں کو مایوسی کے علاوہ کچھ نہیں ملے گا۔
