جو دشمن یہ خیال کررہے تھے کہ دو ایک دن میں ایران کو بلاقید و شرط تسلیم ہونے پر مجبور کر دیں گے وہ گھٹنے ٹیکنے پر مجبور ہوگیے

Dec ۲۵, ۲۰۲۵ ۱۶:۵۰ Asia/Tehran

ایران کے وزیرخارجہ نے خارجہ پالیسی اور علاقے کے حالات کے موضوع پر منعقدہ ایک اجلاس سے خطاب کرتے ہوئے کہا کہ جو دشمن یہ خیال کررہے تھے کہ دو ایک دن میں ایران کو بلاقید و شرط تسلیم ہونے پر مجبور کر دیں گے وہ ملت ایران کی دلیرانہ اور غیرتمندانہ استقامت کے سامنے گھٹنے ٹیکنے پر مجبور ہوگیے

سحرنیوز/ایران: سید عباس عراقچی نے اس دوران ملک اور نظام کی حمایت میں عوام کی بڑے پیمانے پر موجودگی کی جانب اشارہ کرتے ہوئے کہا کہ دشمن نہیں جانتا تھا کہ ایک جنریل کی شہادت کے بعد دوسرا جرنل استقامت کا پرچم سنبھال لےگا۔
ایران کے وزیرخارجہ نے دشمن کی نئی سازشوں کی جانب اشارہ کرتے ہوئے کہا کہ میری نظر میں کوئی نئی سازش ہو رہی ہے تاکہ مشکل اقتصادی حالات پیدا کر کے ناراضگی بڑھائی جائے اور نظام کو اندر سے مسائل سے دوچار کردیا جائے لیکن ان کی یہ آرزو بھی کبھی پوری نہیں ہوگی۔

ہمیں فالو کریں:

سید عباس عراقچی نے کہا کہ جس طرح بارہ روزہ جنگ میں مسلح افواج کی استقامت اور اندرون ملک تیار ہونے والے میزائلوں نیز سب کی کوششوں سے بحران سے باہر نکلے ہیں اسی طرح اب بھی ایک دوسرے کی مدد سے دشمن کی سخت حالات مسلط کرنے کی کوشش کو ناکام بنا دیں گے۔