برطانوی حکومت کی لندن میں ایرانی سفارت خانے کی حفاظت میں ناکامی پر ایران کا سخت ردعمل
وزير خارجہ سید عباس عراقچی نے اپنی برطانوی ہم منصب کے ساتھ ٹیلیفونی گفتگو میں لندن میں ایرانی سفارت خانہ کے تحفظ میں برطانوی حکومت کی ناکامی پر سخت تنقید کی ہے
سحرنیوز/ایران: وزير خارجہ سید عباس عراقچی نے لندن میں ایرانی سفارت خانے پر حملے کے تعلق سے پیر کی رات اپنی برطانوی ہم منصب محترمہ کوپرکے ساتھ ٹیلیفون پر گفتگو کی۔
انھوں نے اپنی اس ٹیلیفونی گفتگو میں غیر ملکی سفارت خانوں کے تحفظ کے تعلق سے برطانوی حکومت کی بین الاقوامی ذمہ داریوں کی یاد دہانی کرائی اور کہا کہ ایرانی سفارت خانے اور دیگر سفارتی مراکز کی حفاظت بین الاقوامی قوانین کی رو سے لندن حکومت کی ذمہ داری ہے۔
ہمیں فالو کریں:
Follow us: Facebook, X, instagram, tiktok whatsapp channel
انھوں نے لندن میں ایرانی سفارتخانے پر ایران دشمن شر پسندوں کے حملے کے لئے برطانوی حکومت کو ذمہ دار قرار دیا اور اپنی برطانوی ہم منصب پر واضح کیا کہ لندن میں ایرانی سفارتی مراکز کے تحفظ میں برطانوی حکومت کی کوتاہیوں اور تقصیرکی تکرار کی صورت میں تہران ضروری اقدامات انجام دے گا۔
