ایرانی قوم دشمن کی سازش کو ناکام بنا دیگی : علی لاریجانی

Jan ۲۶, ۲۰۲۶ ۱۹:۳۸ Asia/Tehran

ایران کی قومی سلامتی کونسل کے سکریٹری نے کہا ہے کہ دشمن اقتصادی مشکلات کو بہانہ بنا کر اپنے مذموم مقاصد حاصل کرنے کے درپے ہے لیکن ایرانی قوم اس سازش کو ناکام بنا دیگی ۔

سحرنیوز/ایران: علی لاریجانی نے سیاسی و عسکری شخصیات اور کمانڈروں کی پندرویں قومی کانفرنس سےخطاب کرتے ہوئے کہا کہ بارہ روزہ جنگ میں فوجی جارحیت کرنے کے بعد دشمن نے کہا کہ اب ایرانی عوام کو سڑکوں پر لانا چاہیے۔

دشمن کا منصوبہ لوگوں کو سڑکوں پر نکالنے کا تھا لیکن وہ ناکام رہے ۔ انہوں نے اقتصادی صورتحال کے خلاف پرامن احتجاج کوبلوہ و فساد، توڑ پھوڑ اور سرکاری اور نجی املاک کو نقصان پہنچانے میں بدلنے کی کوشش کی ہے۔

ہمیں فالو کریں:

علی لاریجانی نے کہا کہ امریکی صدر ٹرمپ نے اعلان کیا کہ اگر کوئی سماجی بحران پیدا ہوا تو ہم فوجی آپریشن کریں گے اور اسی لئے اس بار امریکی پالیسی اور ہتھکنڈے بدل گئے اور وہ ایرانی عوام کے اتحاد و یکجہتی کو سبوتاژ کرکے فوجی حملہ کرنے کے منصوبے بنا رہے ہیں۔

ایران کی قومی سلامتی کونسل کے سکریٹری نے کہا کہ بلاشبہ معاشی مسائل ہیں اور حکومت اور مختلف شعبوں کو ان کا ازالہ کرنا چاہیے لیکن واضح رہے کہ دشمن اسے بہانہ بنا کر اپنے مذموم مقاصد حاصل کرنے کے درپے ہے۔