SAHAR

اقوام متحدہ نے یمن کی جنگ میں بچوں کے بڑھتے ہوئے جانی نقصان پرتشویش ظاہر کی ہے

پریس ٹی وی کی رپورٹ کے مطابق جنگ سے متاثرہ بچوں کے امور میں اقوام متحدہ کے سیکریٹری جنرل کی خصوصی نمائندہ لیلا زروقی نے کہا ہے کہ یمنی بچوں کو ملک میں جنگ اور تشدد جاری رہنے کی ناقابل قبول اور بھاری قیمت چکانا پڑ رہی ہے-

 لیلا زروقی نے کہا کہ یمن میں بچوں اور تمام عام شہریوں کی مدد کے لئے فوری اقدام کرنے کی ضرورت ہے-

اقوام متحدہ کے سیکریٹری جنرل کی خصوصی نمائندہ نے کہا کہ تشدد کے باعث یمن میں بچوں کی ایک ایسی تباہ و برباد نسل وجود میں آئے گی جو مختلف نفسیاتی اور جسمانی مسائل کا شکار اور تعلیمی مواقع سے محروم رہی ہو گی-

 لیلا زروقی نے یمن کے جنوب مغربی صوبے تعز پر اکیس اگست کو سعودی عرب کے لڑاکا طیاروں کی وحشیانہ بمباری پر سعودی عرب کو سخت تنقید کا نشانہ بنایا-

 لیلا زروقی نے متحارب گروہوں سے مطالبہ کیا کہ وہ عام شہریوں کی مدد کے لئے بین الاقوامی معاہدوں پر عمل کریں- انھوں نے یمن میں جنگ کے باعث بچوں کی تعلیم متاثر ہونے پر بھی تشویش ظاہر کی ہے-