یمن میں سعودی جرائم کا سلسلہ جاری
Aug ۲۹, ۲۰۱۵ ۱۷:۳۷ Asia/Tehran
-
یمن میں سعودی جرائم (فائل فوٹو)
سعودی عرب، یمن میں امدادی سامان اورغذائی اشیاء لے جانے والی گاڑیوں پربھی بمباری کررہا ہے
یمنی ذرائع سے موصولہ رپورٹوں کے مطابق سعودی عرب کے لڑاکا طیارے ، ان ٹرکوں اور گاڑیوں پر بمباری کر رہے ہیں جو دارالحکومت صنعا سے کھانے پینے کی اشیاء اور دوائیں لے کر یمن کے شمالی صوبے عمران کی جانب جا رہی ہیں- سعودی عرب نے ایسے کئی ٹرکوں اور گاڑیوں کو بمباری کرکے تباہ کردیا ہے جن میں غذائی سامان اوردوائیں تھیں-
سعودی عرب کے لڑاکا طیاروں نے شہرعمران میں رہائشی مکانات اوربازاروں پربھی بمباری کرکے ان کو بھاری نقصان پہنچایا ہے-
دوسری طرف یمن کے المسیرہ ٹی وی نے یمن کے سقطری جزیرے میں امریکی فوجی اڈا تعمیرکئے جانے کی خبر دی ہے-
المسیرہ ٹی وی کی رپورٹ کے مطابق یہ سعودی، امریکی اورصیہونی سازش، یمن میں ریاض کے مقاصد کو پورا کرنے کے لئے تیارکی گئی ہے-
سعودی عرب نے گذشتہ اتوارکو یمن کے جزیرہ سقطری میں امریکی فوجی اڈے کی تعمیرکے لئے ایشیائی ممالک سے تعلق رکھنے والے دسیوں مزدوراس جزیرے میں پہنچائے ہیں-
اس رپورٹ کے مطابق اس سازش میں سعودی عرب کے شریک ہونے کا مقصد، یمن پر قبضے کا خواب پورا کرنا ہے-
ماہرین، یمن پرسعودی عرب کے حملے اوراس ملک کےعوام کے محاصرے کو غزہ کے شہریوں کے خلاف صیہونی حکومت کے جرائم سے تشبیہ دیتے ہیں-
