SAHAR

 یہ ہلاکتیں عراق کے مغربی صوبۂ الانبار اور شمالی صوبۂ صلاح الدین میں ہونے والی کارروائی میں ہوئی ہیں۔ ہلاک شدگان میں دہشت گردوں کے دو سرغنے بھی شامل ہیں۔

اسی کے ساتھ عراقی فوج نے ایک بیان جاری کرکے کہا ہے کہ داعش کے دہشت گردوں کا ایک گروپ حصیبہ علاقے میں نہر فرات کو عبور کرنا چاہتا تھا کہ اسی دوران عراقی سیکورٹی فورسز نے ان کا مقابلہ کرکے سترہ دہشت گردوں کو ہلاک کردیا۔ اس کارروائی میں دہشت گردوں کی تین گاڑیاں بھی تباہ ہوگئیں۔

عراقی فوج نے صوبہ الانبار کے علاقے الیتامی میں بھی دہشت گردوں کی ایک گاڑی تباہ کردی جس کے نتیجے میں اس پر سوار تمام افراد ہلاک ہوگئے۔ ادھر موصل شہر سے تقریبا" دو درجن داعشی دہشت گردوں کے شام فرار ہوجانے کی اطلاعات ہیں۔

کردستان ڈیموکریٹک پارٹی کے شعبہ اطلاعات کے انچارج سعید مموزینی نے بتایا کہ دہشت گردوں کے دو سرغنے بھی موصل سے شام فرار ہونے والے دہشت گردوں میں شامل ہیں۔