SAHAR

صیہونی فوجیوں نے شہر بیت لحم کے جنوب میں ایک فلسطینی نوجوان کو گولی مار کر شہید کر دیا ہے

فلسطینی نیوز ایجنسی معا کی رپورٹ کے مطابق صیہونی فوجیوں نے جمعے کو ایک فلسطینی نوجوان کو جو بیت لحم کے جنوب میں واقع عصیون کالونی قریب الجعبہ دیہات میں ایک چیک پوسٹ پر صیہونیت مخالف کارروائی کی تھی ، مسلسل کئی گولیاں مار کر شہید کر دیا-

فلسطینی ذرائع کے مطابق ابھی تک اس فلسطینی جوان کی شناخت نہیں ہو سکی ہے لیکن کہا جا رہا ہے کہ یہ سولہ سالہ نوجوان شہر الخلیل کا رہنے والا تھا- فلسطین کے مختلف علاقوں میں اکتوبر کے شروع سے ہی صیہونی حکومت کے خلاف احتجاج ہو رہے ہیں-

صیہونی فوجیوں کی جنگی اور پرتشدد پالیسیوں کے باعث قدس انتفاضہ کے دوران تقریبا ساٹھ فلسطینی شہید ہو چکے ہیں-