کربلا میں بم دھماکہ کرنے کی کوشش ناکام
Mar ۰۶, ۲۰۱۶ ۱۶:۰۴ Asia/Tehran
عراق کے صوبہ الانبار کے پولیس سربراہ کے بھائی کو داعش کے دوعناصر کے ہمراہ اس وقت گرفتارکرلیا گیا جب وہ کربلائے معلی میں دہشت گردانہ بم دھماکہ کرنے کی کوشش کررہے تھے
صوبہ کربلا کےگورنرنصیف جاسم الخطابی نے بتایا کہ صوبہ الانبار کےپولیس سربراہ ہادی رزیج کا بھائی فلاح رزیج داعش کے دو عناصر کے ہمراہ دھماکہ خیز مواد سے لدی ہوئی ایک گاڑی کربلا میں لے جانا چاہتاتھا مگرسیکورٹی فورس کے اہلکاروں نے اس گاڑی کو ضبط کرنے کےساتھ ہی تینوں افراد کو گرفتار کرلیا -
واضح رہے کہ صوبہ کربلا عراق کے ان صوبوں میں ہے جہاں کافی حدتک امن قائم ہے لیکن اس کے باوجود کبھی کبھی اور خاص طور پر مذہبی مناسبتوں پر دہشت گردعناصر بم دھماکے کرنے میں کامیاب ہوجاتے ہیں -
