عراق: بغداد میں کئی بم دھماکے، کم از کم پندرہ افراد جاں بحق
عراق کے دارالحکومت بغداد میں کئی بم دھماکوں میں کم سے کم پندرہ افراد جاں بحق ہو گئے۔
الفرات نیوز ایجنسی نے خبر دی ہے کہ بغداد کے مشرقی علاقے نہروان میں اینٹ کے بھٹے کے قریب ایک بم دھماکے میں دو افراد جاں بحق اور چھے دیگر زخمی ہو گئے- بغداد کے ہی الاسکان علاقے میں ایک بم دھماکے میں ایک عام شہری جاں بحق اور سات دیگر زخمی ہو گئے۔
دوسری جانب عراق کے سیکورٹی ذرائع کا کہنا ہے کہ بغداد کے وسطی علاقے شیخ عمر میں جو صنعتی علاقہ کہلاتا ہے، ایک دھماکے میں تین افراد جاں بحق اور آٹھ دیگر زخمی ہو گئے- اس درمیان بغداد میں اسپتال کے ذرائع کا کہنا ہے کہ مزید آٹھ لاشیں الیرموک اسپتال میں لائی گئی ہیں اور اکیس افراد زخمی ہوئے ہیں- بغداد میں بدھ کو ہونےوالے بم دھماکوں کی ذمہ داری ابھی تک کسی گروہ نے قبول نہیں کی ہے لیکن اس قسم کے بم دھماکوں میں عام طور پر دہشت گرد گروہ داعش کے عناصر ملوث ہوتے ہیں۔
