SAHAR

ترکی کے شہر استنبول کے مرکز علاقے میں ہونے والے بم دھماکے میں متعدد افراد ہلاک اور زخمی ہوئے ہیں۔

ترک ذرائع کا کہنا ہے کہ یہ دھماکہ استبول کے مرکزی علاقے میں واقع مصروف ترین سڑک پر ہوا ہے۔ ابتدائی اطلاعات کے مطابق یہ دھماکہ خودکش تھا جس میں دو افراد ہلاک اور سات دیگر زخمی ہوئے ہیں تاہم سرکاری سطح پر اس کی تصدیق نہیں ہوسکی ہے۔

تاحال کسی گروہ نے اس حملے کی ذمہ داری قبول نہیں کی ہے۔مزیدتفصیلات کا انتظار ہے۔

حال ہی میں دارالحکومت انقرہ میں ہونے والے بم دھماکے میں سینتس افراد ہلاک اور ایک سو پچیس زخمی ہوگئے تھے۔