SAHAR

عراقی حکومت کی عراق کے بارے میں ترکی کے صدر کے بیان پر شدید تنقید

عراقی حکومت نے عراق کے بارے میں ترکی کے صدر کے بیان پر شدید تنقید کی ہے  
عراقی وزارت خارجہ کے ترجمان نے عراق کے بارے میں ترک صدر رجب طیب اردوغان  کے بیان پر شدید تنقید کرتے ہوئے کہا کہ ترکی کی سرزمین اس وقت دہشت گردوں کی کارروائیوں کے میدان میں تبدیل ہو چکی ہے اس لئے ان کا مقابلہ کرنےکے لئے دوسرے ملکوں کے داخلی معاملات میں مداخلت اورملکوں کے ڈھانچے نیزسماجی صورتحال کے بارے میں ذاتی رائے دینے سےاردوغان کو پرہیز کرنا چاہئے-

عراقی وزارت خارجہ کے ترجمان احمد  جمال نے کہا کہ عراق کا نظام حکومت جمہوری اصولوں پر استوار ہے جس میں سبھی گروہوں کوپوری نمائندگی حاصل ہے اور ملک میں سبھی لوگوں کوآزادی کے ساتھ اپنی بات کہنے کا پورا حق حاصل ہے-

عراقی وزارت خارجہ کے ترجمان نے کہا کہ عراقی عوام نےاس وقت متحد ہو کر دہشت گردوں کے مقابلے میں اپنی شجاعت و بہادری کا ثبوت پیش کیا ہے-
واضح رہے کہ ترک صدر رجب طیب اردوغان نے اپنے دورہ واشنگٹن میں دعوی کیا تھا کہ عراق درحقیقت تقسیم ہو چکا ہے اور سقوط کر گیا ہے اور وہاں کا حکومتی نظام غیر منصفانہ ہے۔