عراق: بم دھماکے میں ایک شخص جاں بحق اور سات زخمی
-
عراق: بم دھماکے میں ایک شخص جاں بحق اور سات زخمی
عراق کے دارالحکومت بغداد کے شمالی علاقے میں ایک دہشت گردانہ بم دھماکہ ہوا ہے جس میں ایک عراقی شہری جاں بحق اور سات زخمی ہوگئے ہیں۔
سومریہ نیوز چینل کی رپورٹ کے مطابق بدھ کے دن شمالی بغداد میں واقع حسینیہ نامی علاقے میں ایک دہشت گردانہ بم دھماکہ ہوا۔ اس بم دھماکے میں عراق کا ایک شہری جاں بحق اور سات زخمی ہوگئے ہیں۔ دریں اثناء عراقی کردستان کے سیکورٹی حکام نے گرمیان نامی علاقے میں روس کی گیس کمپنی گیس پروم کی تنصیبات پر دہشت گردوں کے حملے کو ناکام بنانے کی خبر دی ہے۔
عراق سے ملنے والی ایک اور خبر کے مطابق دہشت گرد گروہ داعش کے عناصر نے فلوجہ میں اپنی ناکامی کو چھپانے اور اپنی شکستوں کا ازالہ کرنے کے لئے شمالی عراق میں واقع حکمت اور تحریر کے دیوتا نابو کی اڑھائی ہزار سالہ عبادت گاہ کو مکمل طور پر تباہ کردیا ہے۔
دہشت گرد گروہ داعش نے اس سے قبل مارچ سنہ دو ہزار پندرہ میں آشوریوں کے عہد سے تعلق رکھنے والے تاریخی شہر نمرود کو بھی تباہ کر دیا تھا۔
