SAHAR

غرب اردن میں صیہونی فوجیوں کی فائرنگ میں بہت سے فلسطینی زخمی ہو گئے۔

العالم کے مطابق صیہونی حکومت کے فوجیوں نے جمعے کو غرب اردن کے قصبے المزرعہ میں فلسطینیوں پر فائرںگ کردی جس میں کم سے تیرہ فلسطینی زخمی ہو گئے ۔ زخمی ہونے والے فلسطینیوں میں ایک کی حالت نازک بتائی گئی ہے۔

دوسری طرف صیہونی آباد کاروں نے فوجیوں کی مدد سے جمعے کو ایک بار پھر مسجد الاقصی پر حملہ کیا جس کے بعد وہاں موجود نمازیوں سے ان کی جھڑپ ہو گئی۔

یاد رہے کہ فلسطین کے مختلف علاقوں میں اکتوبر دو ہزار پندرہ سے صیہونی فوجیوں کے حملوں میں شدت آ گئی ہے ۔ ان حملوں کے نتیجے میں فلسطینی عوام کی تحریک انتفاضہ قدس کا آغاز ہوا جس میں اب تک دو سو پچیس فلسطینی صیہونی فوجیوں کی فائرنگ میں شہید ہو چکے ہیں۔