SAHAR

داعش دہشت گرد گروہ نے صوبہ کرکوک میں اس گروہ کے زیرقبضہ علاقوں سے بھاگنے کی کوشش کرنے والوں کی مدد کے الزام میں پندرہ عراقیوں کو اغوا کر لیا ہے۔

سومریہ نیوز ایجنسی کی رپورٹ کے مطابق، صوبہ کرکوک میں ایک سیکورٹی ذریعے نے بتایا ہے کہ سنیچر کو جنوب مغربی کرکوک سے پچپن کلومیٹر کے فاصلے پر واقع الحویجہ ضلع کے ایک دیہات الجمیلیہ کے پندرہ افراد کو اغوا کرلیا ہے۔ ان افراد کا جرم صرف یہ ہے کہ انھوں نے داعش کے زیرقبضہ علاقے سے نجات حاصل کرنے والوں کی مدد کی ہے۔ 

عراقی سیکورٹی ذریعے کے مطابق، داعش نے مغویوں کو گاڑیوں میں بھرکر الحویجہ کے صدر مقام پر پہنچا دیا ہے- ضلع الحویجہ صوبہ کرکوک کے جنوب مغرب میں واقع ہے اور بغداد سے دوسوپچاس کلومیٹر کے فاصلے پرہے- الحویجہ پر دوہزارچودہ سے داعش دہشت گردوں کا قبضہ  ہے- داعش دہشت گردوں نے دوہزارتیرہ سے عراق کے بعض علاقوں پر قبضہ کر رکھا ہے اور اس دوران انھوں نے عوام کے خلاف بے پناہ جرائم کئے ہیں۔