SAHAR

یمن کی عوامی تحریک انصار اللہ کی سیاسی کونسل نے تمام گروہوں پر مشتمل قومی حکومت کی تشکیل پر تاکید کی ہے

یمن کے المسیرہ ٹی وی کی رپورٹ کے مطابق تحریک انصاراللہ کی سیاسی کونسل کے سربراہ صالح الصماد نے کہا ہے کہ سعودی جارح کے خلاف جنگ کے تناظر میں تمام گروہوں پر مشتمل قومی حکومت کی تشکیل کے لئے گفتگو کا راستہ کھلا ہوا ہے-

صالح الصماد نے کہا کہ یمن کی اعلی سیاسی کونسل کے اراکین کی آخری فہرست آئندہ چند دنوں میں اعلان کردی جائے گی-

تحریک انصاراللہ اور یمن کی عوامی کانگریس نے بارہا اعلان کیا ہے کہ انھیں حکومت کی تشکیل کے لئے گفتگو اور شراکت پر کوئی مسئلہ نہیں ہے اور وہ سعودی جارجین کے خلاف جنگ میں تمام پارٹیوں کی شرکت کی خواہاں ہے- 

انصار اللہ کی سیاسی کونسل کے رکن عبدالملک العجری نے بھی کہا ہے کہ اعلی سیاسی کونسل کی تشکیل سے اقوام متحدہ اور امریکہ اس لئے سیخ پا ہیں کہ انھیں توقع تھی کہ سعودی حملے ، یمن کی فوج ، رضاکارفورس اور عوام کو ختم کردیں گے لیکن وہ ایسا نہیں کر سکے-