مصرمیں 30 سے زائد تکفیری دہشتگرد ہلاک
Mar ۰۳, ۲۰۱۷ ۱۲:۳۲ Asia/Tehran
آناتولی خبر رساں ایجنسی کی رپورٹ کے مطابق مصری فوج نے صحرائے سینا کے مشرق میں 30 سے زائد تکفیری دہشت گردوں کو ہلاک کردیا ہے۔
مصری فوج کے ترجمان تامر رفاعی نے کہا ہے کہ مصری فوج نےالعریش کے جنوب میں واقع مزارع جہاد اور الزیتون علاقے میں ایک کارروائی کے دوران اس علاقہ میں تکفیری دہشت گردوں پر کاری ضرب لگائی۔ ہونے والی کارروائی میں 30 سے زائد تکفیری دہشت گرد ہلاک ہو گئے ۔ مصری فوج نے داعش کے حامی دہشت گردوں کے خلاف صحرائے سینا میں وسیع آپریشن شروع کررکھا ہےجس میں اب تک درجنوں تکفیری دہشت گرد ہلاک ہو چکے ہیں۔
