مغربی موصل میں عراقی افواج کی پیشقدمی
May ۱۷, ۲۰۱۷ ۲۰:۰۵ Asia/Tehran
عراق کی عوامی رضاکارفورس نے مغربی موصل کے علاقے القیروان میں داعش کی سپلائی لائن کاٹ دی ہے۔
القیروان کا اسٹریٹیجک علاقہ عراق کے شمالی صوبے نینوا کے شہروں موصل اور شام کی سرحد کے قریب واقع شہر تلعفر کو ایک دوسرے سے ملاتاہے۔
عراقی خبررساں ایجنسی واع نے بدھ کو خبردی ہے کہ عراق کی عوامی رضاکارفورس الحشدالشعبی نے عراقی فضائیہ کی مدد سے دہشت گردوں کے خلاف کارروائی کرتے ہوئے القیروان علاقے کے بیشتر دیہاتوں پر اپنا کنٹرول کرلیا ہے۔
مغربی موصل کے علاقے القیروان کی آزادی کی کارروائیوں کے آغاز سے اب تک تقریبا چھتیس گاؤں، دہشت گردوں کے قبضے سے آزاد ہوچکے ہیں۔
دریں اثنا الحشد الشعبی کے کمانڈر ہادی العامری نے کہاہے کہ داعش کے دہشت گرد عناصر عوامی رضاکارفورس کی پیشقدمی کو روکنے کے لئے ممنوعہ ہتھیاروں کا استعمال کررہے ہیں۔
