عراق میں دھماکہ 40 جاں بحق و زخمی
May ۳۰, ۲۰۱۷ ۱۱:۰۴ Asia/Tehran
عراق کے دارالحکومت بغداد میں ہونے والے دھماکے میں 11 افراد جاں بحق ہوگئے۔
العالم کی رپورٹ کے مطابق عراق کے دارالحکومت بغداد کے الکراده علاقے میں ہونے والے ایک کار بم دھماکے میں 11 افراد جاں بحق اور 30 کے قریب زخمی ہو گئے۔ زخمیوں کو ہسپتال منتقل کردیا گیا ہے جہاں بعض کی حالت نازک بتائی جاتی ہے۔
موصل میں دہشتگردوں کو ملنے والی یکے بعد دیگرے شکستوں کے بعد تکفیری دہشتگرد گروہ داعش، عراق کے مظلوم اور نہتے عوام کے خلاف اس قسم کے بزدلانہ حملے کررہا ہے۔
