SAHAR

سعودی عرب کے امریکہ نواز ولیعہد محمد بن سلمان نے قطری عوام کی آشکارا توہین کرتے ہوئے کہا ہے کہ قطریوں کی تعداد مصر کی ایک سڑک پر چلنے والوں کے برابر بھی نہیں ہے۔

مصری الیوم کی رپورٹ کے مطابق سعودی عرب کے امریکہ نوازولیعہد محمد بن سلمان نے قاہرہ میں صحافیوں سے گفتگو کرتے ہوئے ان خبروں کومسترد کیا کہ قطر کا اقتصادی بائیکاٹ کرنے والے ممالک پر دباو ہے۔

سعودی ولیعہد نے کہا کہ قطر میں جو بر سر اقتدار ہیں وہ ریاض اور قاہرہ کے دشمن ہیں۔

 محمد بن سلمان نے قطری عوام کی آشکارا توہین کرتے ہوئے کہا کہ وہ اپنے آپ کو قطر کے بحران میں مصروف کرنا نہیں چاہتے اس لئے کہ قطریوں کی تعداد مصر کی ایک سڑک پر چلنے والوں کے برابر بھی نہیں ہے۔

واضح رہے کہ سعودی ولیعہد محمد بن سلمان اتوار کے روز اپنے پہلے غیر ملکی دورے پر قاہرہ پہنچے۔