بنگلہ دیشی طیارے کوحادثہ، ہلاکتوں کا خدشہ
Mar ۱۲, ۲۰۱۸ ۱۳:۳۶ Asia/Tehran
بنگلہ دیش کا ایک مسافر طیارہ نیپال کے دارالحکومت کھٹمنڈو کے ایئر پورٹ کے قریب گر کر تباہ ہوگیا ہے۔
نیپال کے کٹھمنڈو ایئرپورٹ پر بنگلہ دیش ایئر لائن کا مسافر طیارہ حادثے کا شکار ہوگیا۔ میڈیا رپورٹوں کے مطابق طیارے میں 76 افراد سوار تھے، حادثے میں ہلاکتوں کا خدشہ ظاہر کیا جارہا ہے۔ حادثہ لینڈنگ کے دوران پیش آیا۔
ابتدائی اطلاعات کے مطابق طیارے سے اٹھنے والے دھویں کے بادل دور سے ہی دیکھے جا سکتے ہیں۔ نیپالی اخبار کھٹمنڈو پوسٹ کے مطابق بنگلہ دیشی یو ایس بنگلہ ایئرلائن کا طیارہ کھٹمنڈو میں ترائی بھون انٹرنیشنل ایئر پورٹ (ٹی آئی اے)کے قریب گر کر تباہ ہوگیا ہے ۔
ٹی آئی اے کے ترجمان پریم ناتھ ٹھاکر کے مطابق بنگلہ دیشی ایئر لائن کا فوکر طیارہ لینڈنگ کے دوران رن وے سے ہٹ گیا اور قریب واقع فٹبال سٹیڈیم میں گر کر تباہ ہوگیا۔
