سعودی عرب میں طیارہ تباہ 4 افراد ہلاک
May ۱۶, ۲۰۱۸ ۰۷:۳۰ Asia/Tehran
سعودی عرب کے صوبے تبوک میں چھوٹا طیارہ گرکر تباہ ہوگیا، جس کے نتیجے میں 4 افراد ہلاک ہوگئے ۔
سعودی عرب کی شہری ہوابازی بیورو کے مطابق تباہ ہونے والا طیارہ ایک انجن پر مشتمل تھا اور اس میں 4 افراد سوار تھےجبکہ یہ طیارہ سعودی محکمہ تحفظ جنگلی حیات کی ملکیت تھا۔
ایوی ایشن بیورو کے مطابق طیارے میں سوار تمام افراد ہلاک ہو گئے تاہم جو لوگ طیارے میں سوار تھے ان کی شناخت ظاہر نہیں کی گئی ہے۔
دوسری جانب طیارے کے تباہ ہونے کی وجوہات جاننے کے لیے فوری طور پر تحقیقاتی کمیٹی تشکیل دے دی گئی ہے ۔
