SAHAR

شامی فوج نے ملک کے مغربی صوبے حماہ میں دہشت گردوں کے خلاف ایک اور آپریشن شروع کر دیا ہے۔

 دفاعی ذرائع کے مطابق شمالی حماہ کے علاقوں الحواش اور الحویجہ میں جاری اس آپریشن کے دوران درجنوں تکفیری دہشت گرد ہلاک اور زخمی ہوئے ہیں۔
 شامی فوج نے ہفتے کے روز صوبہ حماس اور حمص کے محفوظ اور فوجی علاقوں کی جانب دہشت گردوں کی پیشقدمی اور دراندازی کی کوشش  بھی ناکام بنا دی تھی۔
 ایک اور اطلاع کے مطابق دس ہزار سے زائد شامی پناہ گزین جابر نصیب گزرگاہ کے ذریعے جنوبی شام میں واقع اپنے گھروں کو واپس لوٹ گئے ہیں۔
 شام میں امن و امان کی صورتحال میں بہتری کے بعد سے شامی پناہ گزینوں کی واپسی کا عمل تیز ہو گیا ہے۔