SAHAR

سعودی بادشاہ اور ولیعہد کے درمیان شدید اختلافات کی خبریں گردش کر رہی ہیں۔

اسپوٹنک نے گارڈین اخبار کے حوالے سے رپورٹ دی ہے کہ سعودی عرب کے بادشاہ شاہ سلمان اور ولیعہد محمد بن سلمان کے درمیان مختلف مسائل میں شدید اختلافات پائے جاتے ہیں۔

اخبار کے مطابق باپ اور بیٹے کے درمیان اہم مسائل جیسے یمن کی جنگ، الجزائر اور سوڈان کے بارے میں بھی شدید اختلافات پائے جاتے ہیں۔

سعودی صحافی جمال خاشقجی کے قتل کی وجہ سے سعودی عرب کے شاہ اور ولیعہد میں مزید اختلاف پیدا ہوگئے ہیں۔ ولیعہد محمد بن سلمان نے مصر سے واپسی پر شاہ سلمان کا استقبال نہیں کیا اور باپ کی عدم موجودگی میں حکام کا بڑے پیمانے پر عزل و نصب کیا۔