SAHAR

ہمارے نمائندے کی رپورٹ کے مطابق عدن کے انٹرنیشنل ایئرپورٹ پر منصور ہادی کے فوجیوں کے قبضے کے بعد ایئرپورٹ کا عملہ کہیں اور منتقل ہوگیا ہے۔

 

اس رپورٹ کے مطابق العریش کے علاقے میں منصورہادی سے وابستہ فوجیوں اور جنوبی عبوری کونسل کے فوجیوں کے درمیان شدید جھڑپیں ہوئی ہیں۔

جنوبی عبوری کونسل کو متحدہ عرب امارات کی حمایت حاصل ہے۔ سعودی عرب سے وابستہ مستعفی صدر منصور ہادی اور امارات سے وابستہ جنوبی عبوری کونسل کے فوجیوں کے درمیان ہونے والی جھڑپیں پہلی اگست سے شروع ہوئی ہیں۔ عدن میں جھڑپوں کی بنا پر سیکڑوں خاندان محصور ہو کر رہ گئے ہیں اور نہایت مشکل معاشی حالات سے دوچار ہیں۔

متحدہ عرب امارات اور سعودی عرب نے مارچ دوہزارپندرہ میں یمن پر حملے کے بعد اس ملک کے ایک ایک حصے پر قبضہ کر لیا ہے اور یمنی فوجیوں اور عوام پر حملوں اور ان کے خلاف کارروائیوں کے لئے مقامی اور بیرونی ایجنٹوں اور کرائے کے فوجیوں کو استعمال کرتے ہیں۔