لبنانی حکومت کے اقتصادی اصلاحات کے پروگرام کی منظوری
Oct ۲۱, ۲۰۱۹ ۲۱:۰۵ Asia/Tehran
لبنانی صدر کے دفتر نے ملک کے اقتصاد کو بحران سے بچانے کے لئے وزیراعظم کے منصوبے کی منظوری کی خبر دی ہے
فارس نیوز ایجنسی کی رپورٹ کے مطابق لبنانی وزیراعظم سعد حریری نے ملک کی اقتصادی صورت حال کو بہتر بنانے کے لئے ایک پروگرام پیش کیا ہے جس میں وزیروں اور ممبران پارلیمنٹ کی تنخواہوں میں کمی اور بعض ٹیکسوں کو ختم کرنا شامل ہے۔
اس رپورٹ کے مطابق لبنانی پارلیمنٹ کے اسپیکر نبیہ بری نے بھی ملک ، قوم اور عوام کے درمیان اتحاد و یکجہتی کے تحفظ پر تاکید کرتے ہوئے حکومت کے اقدامات کی حمایت کی اپیل کی ہے۔
لبنان میں گذشتہ پانچ دنوں سے اقتصادی بحران اور ٹیکسوں کے نفاذ کے خلاف لوگ سڑکوں پر نکل آئے ہیں۔
لبنانی وزیراعظم اور اعلی حکام کو امید ہے کہ اقتصادی منصوبے کی منظوری سے عوامی ناراضگی کم اور اقتصادی صورت حال بہتر ہوگی۔
