ہلاک ہو گیا آیت اللہ مائیکل، امریکا کے منہ پر لگا ہے تالا
افغانستان میں باخبر ذرائع کا کہنا ہے کہ غزنی میں مار گرائے گئے ایک امریکی فوجی طیارے میں آیت اللہ مائیکل کے نام سے مشہور، امریکی خفیہ ایجنسی سی آئی اے میں ایرانی امور کے سربراہ مائیکل دی آندریا کی موت ہو چکی ہے۔
تسنیم نیوز ایجنسی کی رپورٹ کے مطابق مائیکل دی آندریا ایرانی کمانڈر جنرل قاسم سلیمانی کی موت کے ذمہ دار تھے جنہیں امریکا نے ڈرون حملہ کرکے 3 جنوری کو بغداد ہوائی اڈے کے نزدیک بزدلانہ طریقے سے شہید کر دیا تھا۔
افغان ذرائع کا کہنا ہے کہ صوبہ غزنی میں طالبان کی جانب سے مار گرائے گئے امریکی طیارے میں 18 افراد سوار تھے اور ہلاک ہونے والوں میں آیت اللہ مائیکل اور سی آئی اے کے دیگر اعلی حکام بھی شامل تھے۔
طالبان نے 27 جنوری کو مقامی وقت کے مطابق 1 بجکر 10 منٹ پر امریکی فوجیی طیارے ای-11 اے کو مار گرانے کا دعوی کیا تھا۔
امریکا نے شروعات میں طالبان کے دعوے کو مسترد کر دیا تھا لیکن طالبان کی جانب سے جلتے ہوئے طیارے کا ویڈیو جاری کرنے کے بعد پینٹاگن نے اپنے طیارے کی سرنگونی کا اعتراف کیا تھا۔
حالانکہ امریکا نے ابھی تک اس طیارے میں سوار اپنے حکام کی شناخت یا ان کی تعداد کے بارے میں کوئی اطلاع نہیں دی ہے۔
