SAHAR

عراق کی حکومت نے کورونا کی روک تھام کے پیش نظر دار الحکومت بغداد میں رفت و آمد پر پابندی عائد کرنے کا فیصلہ کیا ہے۔

فارس نیوز کے مطابق عراق کی حکومت نے اعلان کیا ہے کہ اس فیصلے پر سترہ مارچ سے چوبیس مارچ تک عملدرآمد کیا جائے گا۔

تازہ ترین رپورٹ کے مطابق اب تک عراق میں کورونا کے ایک سو گیارہ کیسز ریکارڈ کئے جا چکے ہیں جن میں سے دس بیماروں کو اپنی جان سے بھی ہاتھ دھونا پڑا ہے۔

دوہزار انیس کے اختتامی ایام میں چین کے شہر ووہان سے شروع ہونے والی مہلک وبا کورونا اس وقت چین کے تیس صوبوں کے علاوہ دنیا کے ایک سو پچپن سے زائد ممالک میں اپنے پنجے گھاڑ چکی ہے اور ایک لاکھ انہتر ہزار افراد اس وبا میں مبتلا ہو چکے ہیں۔