SAHAR

شام کے صوبہ حمص میں داعش دہشتگردوں پر فوج کے حملے میں کم سے کم تیس داعش دہشتگرد ہلاک ہو گئے۔

میڈل ایسٹ نیوز ویب کے مطابق شام کے ہیومن رائٹس واچ کے سربراہ رامی عبد الرحمان نے اعلان کیا ہے کہ گذشتہ دو دن سے صوبہ حمص کے مشرقی مضافات میں واقع شہر السخنہ کے اطراف میں داعش کے اڈوں پر شامی فوج کے حملے جاری ہیں۔ مشرقی شام سے ایک سال سے زیادہ عرصے سے داعش کے عناصر کا خاتمہ ہو چکا ہے تاہم اس کے باقیات مشرقی حمص سے عراقی سرحد تک شام کے بیابانی علاقوں میں موجود ہیں۔

درایں اثنا شامی ذرائع نے صوبہ حسکہ کے الشدادی شہر میں امریکی فوجی اڈے کے قریب ہونے والے بم دھماکے کی خبر دی ہے۔ جمعے کو بھی صوبہ دیرالزور کے کازیہ عیسی العصمان نامی علاقے سے امریکی فوجیوں کے گزرتے وقت ایک بم دھماکا ہوا تھا۔