امریکہ کی خودسرانہ پابندیاں، شام کا سب سے بڑا مسئلہ، شامی مندوب
Oct ۰۹, ۲۰۲۰ ۲۰:۵۹ Asia/Tehran
اقوام متحدہ میں شام کے مندوب بشارالجعفری نے کہا ہے کہ شامی عوام کے خلاف امریکہ کی خود سرانہ پابندیاں شام کے لئے ایک بڑا چیلنج ہے۔
اقوام متحدہ میں شام کے مندوب بشارالجعفری نے جنرل اسمبلی کی اقتصادی کمیٹی کے پچھترویں اجلاس سے خطاب کرتے ہوئے کہا کہ شام کے خلاف امریکی پابندیاں ایسے عالم میں عائد کی گئی ہیں کہ اقوام متحدہ کے سیکریٹری جنرل نے ان پابندیوں کو کورونا کی روک تھام میں دمشق کی صلاحیتوں کے کمزور ہونے کا موجب قرار دیا تھا اور انھیں ختم کرنے کا مطالبہ بھی وہ کرچکے ہیں- بشار الجعفری نے شام کے موجودہ چیلنجوں سے باہر نکلنے کے لئے بین الاقوامی مدد کی بھی اپیل کی ہے۔