افغانستان, بم دھماکے میں تین پولیس والوں کی موت
Oct ۱۷, ۲۰۲۰ ۲۱:۳۷ Asia/Tehran
افغانستان میں سڑک کنارے ہونے والے ایک بم دھماکے میں کم از کم تین پولیس اہلکار ہلاک ہو گئے۔
ہمارے نمائندے کی رپورٹ کے مطابق افغانستان کے صوبے پروان کے گورنر ہاؤس کے ترجمان نے کہا ہے کہ سالنگ کے علاقے میں سڑک کنارے ہونے والے اس بم دھماکے میں انسداد جرائم مہم کے انچارج سمیت تین پولیس اہلکار ہلاک ہو گئے۔
ادھر افغانستان کی وزارت داخلہ نے بھی اعلان کیا ہے کہ افغان فوجی اہلکاروں اور طالبان عناصر کے درمیان ہونے والی جھڑپوں کے بعد صوبے بغلان کے طالبان سرغنہ قاری صلاح الدین کو سمیت چار ساتھیوں سمیت گرفتار کر لیا گیا۔
دوسری جانب نامعلوم مسلح افراد نے مشرقی افغانستان کے صوبے غزنی میں دو سرکاری ملازمین کا فائرنگ کر کے قتل کر دیا۔
