یمن، منصور ہادی کے غنڈوں نے کئی خواتین کو اغوا کر لیا / انصاراللہ کی شدید مذمت
یمن کی عوامی تحریک انصار اللہ نے سعودی اتحاد کے ایجنٹوں کے ہاتھوں یمنی خواتین کو اغوا کرنے کی شدید الفاظ میں مذمت کی ہے۔
العہد خبررساں ایجنسی کی رپورٹ کے مطابق تحریک انصاراللہ کے سینئر مذاکرات کار اور ترجمان محمد عبد السلام نے پیر کو بتایا کہ سعودی ایجنٹوں کے ہاتھوں شہر مآرب میں سات یمنی خواتین کا اغوا، مذہبی اصولوں کی خلاف ورزی اور قبائلی سنت کی دھجیاں اڑانے کے مترادف ہے۔
تحریک انصاراللہ کے ترجمان نے واضح کیا کہ ان کے اس کام کی جتنی بھی مذمت کی جائے کم ہے۔
واضح رہے کہ منصور ہادی کی حکومت سے متعلق مسلح افراد نے حال ہی میں مآرب شہر سے سات خواتین کو اس الزام میں اغوا کر لیا کہ وہ نیشنل سالویشن حکومت کے لئے جاسوسی کر رہی تھیں۔
یمن کی نیشنل سالویشن حکومت کے وزیر خارجہ حسین العزی نے اس اقدام کی مذمت کرتے ہوئے بتایا کہ ان خواتین کو کسی نامعلوم جگہ پر منتقل کر لیا گیا ہے۔
