عراق، صوبہ کرکوک میں پولیس ٹیم پر حملہ
Feb ۱۲, ۲۰۲۱ ۰۷:۳۰ Asia/Tehran
عراق کے صوبے کرکوک میں ایک دہشت گردانہ حملے میں متعدد پولیس اہلکار جاں بحق اور زخمی ہوگئے ہيں۔
عراق کے شمالی صوبے کرکوک میں ایک دہشت گردانہ حملے میں تین پولیس اہلکار جاں بحق اور دو زخمی ہوگئے۔ بتایا جاتا ہے کہ حملہ اتنا اچانک تھا کہ پولیس ٹیم کو جوابی کاروائی کا موقع نہیں مل سکا۔
شفق نیوز ایجنسی کی رپورٹ کے مطابق یہ واقعہ "داقوق" سٹی کے نواحی علاقے "عرب کوئی" میں پیش آیا۔ اس حملے کو داعش کی باقیات کا کام بتایا جاتا ہے جو کرکوک صوبے میں تھوڑے تھوڑے عرصے بعد اس طرح کی دہشت گردانہ کارروائيوں میں عام شہریوں اور سیکورٹی اہلکاروں کو نشانہ بناتے رہتے ہيں۔
عراقی سیکورٹی فورسز صوبہ کرکوک ميں اب تک بدنام زمانہ دہشت گرد تنظیم داعش سے وابستہ متعدد سرکردہ عناصر کو ہلاک کر چکی ہیں۔
