مصر میں دو ٹرینوں کے درمیان تصادم، 32 ہلاک
Mar ۲۶, ۲۰۲۱ ۲۲:۵۷ Asia/Tehran
مصر کے شہر سوہاج میں دو مسافر ٹرینوں کے درمیان تصادم میں کم سے کم بتیس افراد ہلاک اور درجنوں زخمی ہوگئے۔
مصر کے وزیر صحت نے بھی حادثے میں بتیس افراد کی ہلاکت کی تصدیق کرتے ہوئے کہا ہے کہ چھیاسٹھ زخمیوں کو مقامی استپالوں میں داخل کردیا گیا ہے۔
ریلوے حکام نے نامعلوم شخص کی جانب سے ایمرجنسی بریک کے استعمال کو حادثے کی وجہ قرار دیا ہے۔ کہا جارہا ہے کہ ایمرجنسی بریک لگائے جانے کی وجہ سے پچھے سے آنے والے ٹرین رکی ہوئی ٹرین سے ٹکراگئی۔ واقعے کی مزید تحقیقات کا حکم دے دیا گیا ہے۔
اس سے قبل رواں سال کے دوران اسکندریہ شہر میں دو مسافر ٹرینیں ٹکرا گئی تھیں جس میں تینتالیس افراد ہلاک ہوگئے تھے
