عراق، امریکی فوجی اڈے کے قریب سے 24 راکٹ برآمد
Apr ۰۹, ۲۰۲۱ ۱۲:۵۴ Asia/Tehran
عراق میں امریکی فوجی اڈے کے قریب سے راکٹ لانچر اور چوبیس راکٹ برآمد ہوئے ہیں۔
عراقی ذرائع نے سیکورٹی کمیٹی کے حوالے سے بتایا ہے کہ چوبیس راکٹ اور ایک راکٹ لانچر صوبہ الانبار میں امریکی فوجی اڈے عین الاسد سے کچھ فاصلے پر کھڑی ایک مشکوک گاڑی میں نصب تھے۔
عراقی فوج اور سیکورٹی اداروں نے موقع پر پہنچ کر گاڑی کو اپنے قبضے میں لینے کے بعد راکٹوں کو ناکارہ بنا دیا۔
جمعرات کو عراق کے چند مسلح گروہوں نے ایک بیان جاری کیا تھا جس میں بغداد واشنگٹن اسٹریٹیجک مذاکرات کے تازہ دور کی جانب اشارہ کرتے ہوئے امریکی اہداف پر حملے کی دھمکی دی گئی تھی۔
پچھلے چند روز کے دوران عراق میں دہشت گرد امریکی فوج سینٹ کام کے متعدد لاجسٹگ کارروانوں کو حملوں کا نشانہ بنایا گیا ہے۔
