تل ابیب اور دیگر علاقوں پر میزائلوں کی بارش
غزہ کے غیرفوجی مقامات پر بمباری کے جواب میں تل ابیب کے خلاف میزائیل آپریشن کا ایک نیا سلسلہ شروع ہوگيا ہے۔
حماس کی فوجی شاخ عزالدین قسام بریگيڈ نے غزہ کے غیرفوجی مقامات پر بمباری کے جواب میں تل ابیب کے خلاف میزائل آپریشن کا ایک نیا سلسلہ شروع کیا ہے۔
اطلاعات کے مطابق صیہونی ذرائع نے تل ابیب اور بن گورین ائرپورٹ پر خطرے کے سائرن بجنے کی خبردی ہے۔
المادین ٹی وی چینل نے بتایا ہے کہ عزالدین قسام بریگیڈ نے تل ابیب کے خلاف راکٹ باری اورمیزائل آپریشن کا ایک نیا سلسلہ شروع کیا ہے۔
عرب میڈيا نے اپنی تازہ ترین رپورٹوں میں بتایا ہے کہ خود ساختہ اسرائيلی ریاست کے مختلف شہروں منجملہ «باقة الغربیة، أمالفحم، حریش، بنی براک، بات یام، جفعتایم، هرتزیلیا، حولون، بیتاح تکفا، ریشون لتسیون، رمات غان، رمات هشارون، رعنانا، هود هشارون، تیرا، کفار سابا، جفعات شموئیل، کریات اونو، رحوفوت، بئر یعقوب، نیس زیونا، الرملة، أو یهودا، یهود مونوسون، سفیون، اللد، کادیما تسوران، عسقلان اوریفنی میں خطرے کے سائرن بجنے کے ساتھ ساتھ راکٹ اور میزائل آکر لگنے شروع ہوئے ہیں۔
اسرائیلی نامہ نگاروں نے تل ابیب کے نواحی علاقوں خصوصا بن گورین ائرپورٹ پر متعدد دھماکوں کی آوازیں سنائی ديئے جانے کی خبر دی ہے۔
میڈيا ذرایع کی رپورٹوں کے مطابق فلسطینی استقامتی محاذ کی جانب سے داغے جانے والے راکٹ اور میزائل پہلی بار تل ابیب سے دور تر مقامات ناصرہ اور حیفا تک کے شہروں تک پہنچے ہیں۔
صیہونی ذرائع کا کہنا ہے کہ تل ابیب کے گںجان آبادی والے تمام مقامات کو پوری شدت سے راکٹ اور میزائيلی حملوں کا نشانہ بنايا جارہا ہے۔
الجزیرہ نے بھی اپنی ایک رپورٹ میں عبری میڈیا کے حوالے سے بتایا ہے کہ تل ابیب میں واقع متعدد عمارتوں کو میزائل حملوں کی وجہ سے شدید نقصان پہنچا ہے۔
