SAHAR

یمن کے محاصرے اور شام پر چڑھائی کرنے والوں نے امریکی دامن تھام لیا

عرب ليگ  نے بچوں کی قاتل حکومت کے سب سے بڑے حامی امریکہ سے اپیل کی ہے وہ امن کے عمل کو آگے بڑھانے کے لئے بھرپور اقدام کرے۔

صفا نیوز ایجنسی کی رپورٹ کے مطابق عرب لیگ کے جنرل سیکریٹری احمد ابوالغیط نے امریکہ سے کہا ہے کہ وہ مسئلہ فلسطین کے تعلق سے سابق حکومت کی پالیسی کو ترک کردے۔

ان کا کہنا تھا کہ جوبائیڈن کی حکومت کو ڈونالڈ ٹرمپ کی سینچری ڈیل کو ترک کردینا چاہیے۔

ابوالغیط نے بھی اپنے بیان میں دو ریاستی نظام کی برقراری پر زور دیا ہے۔

عرب لیگ کی جانب سے امریکہ کا دامن تھامے جانے کی خبر ایک ایسے وقت سامنے آئی ہے کہ جہاد اسلامی فلسطین نے اپنے ایک بیان میں کہا تھا کہ امریکہ صیہونی حکومت کے جرائم کی حمایت اور پروٹیکشن دینے کا فریضہ نبھارہا ہے۔