امریکہ کے باوردی دہشت گردوں کی عراق سے شام منتقلی
امریکہ نے اپنا ایک اور فوجی کانوائےعراق سے شام منتقل کردیا۔
شام کے سرکاری ذرائع نے بتایا ہے کہ 30 بکتربند گاڑیوں اور ٹرکوں پرمشتمل ایک فوجی کانوائے ديگر فوجی سازوسامان کے ساتھ عراق سے شام میں داخل ہوا ہے۔
فارس نیوز ایجنسی کی رپورٹ کے مطابق نام نہاد داعش مخالف بین الاقوامی اتحاد پر مشتمل یہ کانوائے عراقی کردستان سے شام کی سرحدی گزرگاہ الولید سے القامشلی سٹی پہنچا ہے۔
رشیا ٹوڈے کا کہنا ہے کہ یہ فوجی کانوائے الحسکہ اور دیرالزور میں واقع امریکی فوجی اڈوں کی جانب روانہ ہو گیا ہے۔
شام کے صوبے الحسکہ، دیرالزور اور رقہ ميں تیل کے مراکز واقع ہیں جہاں امریکی حمایت یافتہ کردستان ڈیموکرٹیک پارٹی سے وابستہ ملیشیا کا کنٹرول ہے۔
واضح رہے کہ عراقی پارلیمنٹ کی جانب سے امریکی افواج کے انخلا پر مبنی بل کی منظوری اور امریکیوں کے پس و پیش کے بعد عراق میں آئے دن امریکی مفادات پر مسلحانہ حملوں کی خـبریں روز کا معمول بن گئی ہیں۔
