فلسطین سے غداری، ابو ظہبی میں صیہونی سفارتخانہ کھل گیا+ ویڈیو
Jun ۳۰, ۲۰۲۱ ۱۰:۴۳ Asia/Tehran
متحدہ عرب امارات کے ابو ظہبی میں اسرائیل کے وزیر خارجہ کی موجودگی ميں صیہونی حکومت کے سفارتخانے کا افتتاح ہو گیا۔
صیہونی ربی نے مخصوص دعا پڑھ کر صیہونی حکومت کے سفارتخانے کا افتتاح کیا۔
صیہونی ربی جب مخصوص دعا میں مشغول تھا تو اس وقت صیہونی حکومت کے وزیر خارجہ یائیر لاپید بھی موجود تھے جنہوں نے بعد میں باضابطہ طور پر سفارتخانے کا افتتاح کیا۔
عرب امارات نے فلسطینیوں کے خون کا سودا کرلیا
حماس اور جہاد اسلامی نے متحدہ عرب امارات کی جانب سے ابوظبی میں اسرائیل کو سفارتخانہ کھولنے کی اجازت دینے اور گزشتہ روز اسرائیلی سفارتخانے کے افتتاح پر سخت رد عمل ظاہر کرتے ہوئے اس کی مذمت کی اور اسے قدس اور فلسطینی عوام سے خیانت قرار دیا۔
