SAHAR

ترکی میں ٹریفک کے المناک حادثے میں 32 افراد ہلاک اور زخمی ہو گئے۔

اطلاعات کے مطابق ترکی میں مسافر بس تیز رفتاری کے باعث حادثے کا شکار ہوگئی جس کے نتیجے میں 15 مسافر ہلاک اور 17 زخمی ہوگئے۔

 مقامی امدادی اہلکاروں نے زخمیوں کو قریبی اسپتال منتقل کردیا ہے جہاں انہیں طبی امداد فراہم کی جا رہی ہے۔

ریسکیو اہلکاروں کے مطابق 11 افراد موقع پر ہی ہلاک ہو گئے تھے جب کہ 4  افراد نے زخموں کی تاب نہ لاتے ہوئے اسپتال میں دم توڑا۔

بتایا جاتا ہے کہ بدنصیب بس تیز رفتاری کے باعث ہائی وے کے موڑ پر الٹ گئی۔ 

 ابتدائی تحقیقات میں یہ بات بھی سامنے آئی ہے کہ بس نے موڑ کاٹتے ہوئے بریک لگایا جس کے باعث حادثہ پیش آیا تاہم اس حوالے سے مزید تحقیقات جاری ہیں۔