SAHAR

ذرائع ابلاغ نے دعوی کیا ہے کہ طالبان نے اپنے ملک میں نئی حکومت کی تشکیل سے متعلق اجلاس میں شرکت کے لئے چھے ملکوں منجملہ ایران کو دعوت دی ہے۔

الجزیرہ نیوز ایجنسی نے پیر کے روز طالبان سے وابستہ ایک ذریعے کے حوالے سے دعوی کیا ہے کہ طالبان نے افغانستان میں نئی حکومت تشکیل دینے سے متعلق اجلاس میں شرکت کے لئے چھے ملکوں ایران، ترکی، روس، چین، پاکستان اور قطر کو شرکت کی دعوت دی ہے۔

اس ذریعے کا کہنا ہے کہ افغانستان میں طالبان حکومت، تشکیل دینے کے لئے تمام مراحل طے ہو گئے ہیں۔

یہ دعوی ایسی حالت میں کیا گیا ہے کہ حالیہ دنوں کے دوران افغانستان میں طالبان حکومت کی تشکیل کے بارے میں متضاد خبریں موصول ہوتی رہی ہیں۔