غاصب صیہونی فوجیوں کی فلسطینیوں پر فائرنگ
Sep ۲۹, ۲۰۲۱ ۰۸:۴۶ Asia/Tehran
فلسطینی ذرائع کا کہنا ہے کہ غاصب صیہونی فوجیوں نے رفح میں فائرنگ کی۔
شہاب خبر رساں ایجنسی کی رپورٹ کے مطابق قدس کی غاصب اور جابر صیہونی حکومت کے فوجیوں نے مشرقی رفح کے علاقے السناطی میں فلسطینی کسانوں پر فائر کھول دیا جس کے نتیجے میں ایک فلسطینی نوجوان اور ایک عورت زخمی ہو گئی۔
دوسری جانب اسرائیل کے ٹیلی ویژن چینل کان کی رپورٹ کے مطابق جنوبی الخلیل کے علاقے مسافر یطا میں پتھراو کے دوران 3 صیہونی زخمی ہوئے۔
واضح رہے کہ اتوار کے روز صیہونی فوجیوں نے غرب اردن کے شہروں جنین اور برقین میں 5 فلسطینیوں کو شہید کردیا تھا۔ یہ فائرنگ اور بربریت صیہونی فوج کے اسپیشل دستوں کے ذریعے حماس سے وابستہ افراد کی گرفتاری کے لئے ہونے والے چھاپوں کے دوران ہوئی ۔
