SAHAR

افغانستان میں طالبان کی عبوری حکومت نے مختلف صوبوں میں خوراک کے بدلے کام کے منصوبے پر عملدرآمد شروع کر دیا۔

 آوا نیوز ایجنسی کی رپورٹ کے مطابق افغانستان میں طالبان کی عبوری حکومت کی وزارت زراعت کے حکام نے منگل کے روز سے ملک کے سولہ صوبوں میں خوراک کے بدلے کام کے منصوبے پر عمل درامد شروع کر دیا ہے اور گندم کی تقسیم کے بدلے کام لیا جا رہا ہے۔ 

اس رپورٹ کے مطابق گندم تقسیم  کرنے کی کمیٹی کے رکن محمد بصیر حقیار نے بتایا  ہے کہ اس منصوبے پر افغانستان کے صوبوں زابل، بامیان، پکتیا،  پکتیکا، دایکنڈی، اروزگان، خوست، میدان وردک، ننگرہار،سرپل، غور، قندھار،ہلمند، فراہ اور فاریاب میں عمل شروع کر دیا گیا۔

افغانستان کو اس وقت قحط و خشکسالی اور معاشی بحران نیز بجلی کی قلت کا سامنا ہے اور اقوام متحدہ نے بھی اس سلسلے میں بارہا انتباہ دیا ہے۔