ایران، پاکستان، ہندوستان، بنگلادیش اور سری لنکا میں آج عید منائی جا رہی ہے
May ۰۳, ۲۰۲۲ ۰۷:۴۱ Asia/Tehran
اسلامی جمہوریہ ایران، ہندوستان، پاکستان، بنگلادیش اور سری لنکا میں آج عید منائی جا رہی ہے۔
اسلامی جمہوریہ ایران کی مرکزی رویت ہلال کمیٹی اور رہبر انقلاب اسلامی کے دفتر نے ماہ شوال کا چاند نظر آنے کی تصدیق کی ہے اس طرح آج بروزمنگل ایران میں عید الفطر ہے۔ اسی طرح ہندوستان، پاکستان، بنگلادیش اور سری لنکا میں بھی آج عید منائی جا رہی ہے۔
ایران میں صبح 8 بجے عید الفطر کے بڑے بڑے اجتماعات منعقد ہوں گے جن میں فرزندان توحید شرکت کر کے عالم اسلام، مسلمانوں اور قبلہ اول کی آزادی کیلئے خصوصی دعائیں مانگیں گے۔
سحر اردو عالمی نیٹ ورک خوشی کے اس پر مسرت موقع پر اپنے تمام ناظرین اور سامعین کی خدمت میں مبارکباد پیش کرتا ہے۔
