SAHAR

سعودی شاہی محل کے ترجمان نے اعلان کیا ہے کہ شاہ سلمان بن عبدالعزیز کو جدہ کے ایک اسپتال میں داخل کرایا گیا ہے

سعودی عرب کی سرکاری نیوزایجنسی واس کی رپورٹ کے مطابق سعودی بادشاہ سلمان بن عبدالعزیز کو اتوار کو جدہ کے شاہ فیصل اسپتال میں داخل کرایا گیا ہے۔

سعودی نیوزایجنسی نے کوئی تفصیل بتائے بغیر کہا ہے کہ انھیں کچھ لازمی میڈیکل چیک اپ کے لئے اسپتال میں داخل کرایا گیا ہے۔

 گذشتہ دو مہینوں کے دوران دوسری بار سعودی بادشاہ کو اسپتال میں داخل کیا گیا ہے ۔

انھیں سولہ مارچ کو بھی ملک فیصل اسپتال پہنچایا گیا تھا تاکہ میڈیکل چیک اپ کے ساتھ ہی ان کے دل کی بیٹری تبدیل کی جاسکے

شاہ سلمان بن عبدالعزیزکو آخری بار نمازعید فطر کے بعد ان کے بیٹے اورولیعھد محمد بن سلمان کے ساتھ دیکھا گیا تھا۔